mbulelo smpofu
Lovemore Dube
UWALTER Magaya kungenzeka avalelwe phandle kokhetho oluzayo olweZifa.
Ungomunye wabathathu okulotshwe incwadi ngoMvulo zayatshiywa emahofisini eZifa leSport and Recreation Commission bephiwa umlandu wokuthi abafanele bancintise ngoba kulokhophe empilweni zabo.
Ababili laba abanye nguMartin Kweza loPhilemon Machana.
UMnumzana Terrance Pachirere okungaziwa lutho ngaye ulobile wayatshiya incwadi zakhe kuZifa Normalisation Committee eyiyo ezibambileyo kukhetho lolu esithi uKweza akamelanga aphiwe ithuba.
Uthi ukhophe alalo lwenza angabi ngumuntu ongangena akhokhele ibhola leZimbabwe.
Incwadi le idluliswele kuMuchadeyi Masunda oligqwetha njalo ekhokhela iEthics and Integrity Committee yeZifa ukuthi bacubungule ukuthi uMagaya labanye laba kulungile ukuthi babezinkokheli.
Kukhangelelwe ukuthi mhlaka 23 December bawugqibe umsebenzi wokuxazulula incwadi zalabo abafake amaphepha.
“Kwabalombiko wokungaphathi kuhle ezomsebenzi lapho asebenza khona kuZimbabwe Anti-Corruption (Zacc) inombolo zokubika (HRC82/01/24 (January 2024),” kwaloba uPachirere.
UTaurai Maurukira kuthange uthe akakwazi lutho ngodaba lolu.
UMaurukira uthe umbiko lo ungamanga njalo balendlela njengenhlanganiso eyokukhangela amacala ayenzakala eZinwa.
UMagaya laye uphiwa amacala okungaphathi kuhle abadlali beBrazil esokwenze iqembu lakhe eleYadah lamiswa ukuthenga lokubhalisa abadlali abatsha. Ulezimbalwa njalo ezibalisiweyo.
UMachana wetheswa icala lokuba imali yeZifa.
Ukuthi bazancintisa kusezandleleni zaboMasunda.
Mhlaka 25 January kuzakhethwa umongameli labasekeli bakhe ababili lamalunga ayisithupha.
