mbulelo smpofu
Brandon Moyo
UMDLALI wekhilikithi welizwe le-Afghanistan uRashid Khan kubikwa uzabe ekhona kumdlalo wabo wohlobo lwe-Test lamaChevrons, ozaqala ngekhefu leBoxing Day enkundleni yeQueens Sports Club koBulawayo.
Umdlali lo, oleminyaka engu-26 yokuzalwa, wacina ukudlala ngomnyaka ka2021 lapho bedlala leZimbabwe edolobheni le-Abu Dhabi. Umdlalo waphela kungutshiki lobhanqa ka 1-1. Wakhutha imidlalo embalwa ngenxa yokugula.
UKhan usedlale imidlalo yohlobo lwe-Test emihlanu njalo wachinsa ukungena kumidlalo le ngo-2028 bedlala leqembu le-India.
Kayisuye yedwa umdlalo omutsha eqenjini. Kulo-Sediqullah Atal, otshaya ibhola ngesandla sokunxele njalo engomunye wabadlali abaphezulu. Usebizwe kumidlalo yama-One Day International lakuma T20s.
Omunye ngu-Ismat Alam, odlala kusigaba ezitshiyeneyo. Ubizwe kulandela ukwenza kakuhle kumincintiswano ye-Ahmad Shah Abdali First-Class Competitions, lapho abuthanisa i723 runs, wathola ama-wicket angu-12. Abanye abadlali abakhangelelweyo nguZahir Shehzad, Bashir Ahmad Afghan, Azmatullah Omarzai, Fareed Ahmad Mali loRiaz Hassan.
Umaqhuzu we-Afghanistan Cricket Board u-Ahmad Shah Sulimankhil uthe ukuphenduka kukaKhan kuzaphakamisa iqembu labo.
“URashid Khan ukhona kuqembu lama-Test, okuyisitshengiselo esihle. Imidlalo ilungiselelwe kuhle.
“Sihlolisise kodwa okumele kwenzeke phambi kokuthi sidlale. Iqembu lethu lilabadlali ababalisela u-Ismat Alam, Bashir Ahmad, loZahir Shehzad, abadlala kuhle kumncintiswano osanda kwedlula owe-Ahmad Shah Abdali FC Tournament,” kutsho uSulimankhil.
Imidlalo le izaqhutshwa mhlaka 26 kusiya ku30 Mpalakazi, iqhubeke njalo mhlaka 2-5 Zibandlela.
Kunjalo, umphathi yeZimbabwe Cricket (ZC) Board ibika ukuba isiyengeze ukusebenza kukamaqhuzu uGivemore Makoni ngeminyaka emine.
