Sinokubonga Nkala
Zintatheli zikaMthunywa
KULENINA leKwekwe elehlelwe ngamashwa ngemva kokuba lithunjelwe umntwana kulandela ukuqilwa ngelinye inina elilithengele i-frozen lacina selimtshontshele umntwana. Kubikwa ukuthi mhlaka 4 Mpalakazi uRumbidzai Gunhu wayehambise usane lwakhe esibhedlela ukuze luyehlolwa kanye lokuhlatshwa ijekiseni ehlatshwa umntwana nxa eselensuku ezingu-7.
Kuvezwe ukuba uGunhu wathi eqeda esibhedlela wahlangana lomunye umama angamaziyo owathi uzamphelekezela amsize ngokumthwalisa umntwana. Bathe besendleleni umama lo owayesethwele umntwana wathi kuRumbidzai kahambe ayethenga i-frozen njengoba kwakutshisa. Waqhutshelwa iZiG20 ukuthi ayethenga lakanye wahamba. Uthe esevela thenga wathola umuntu obelomntwana engasekho esehambe lomntwana.
Wabhoda esedinga umntwana ehamba ebuza ebantwini ukuthi akulamuntu obone umama obethwele umntwana kodwa phinde athole lutho wahle wagijimela emapholiseni wayabika ukuba usetshontshelwe usane.
Intatheli ixhumane lesikhulumi samapholisa eMidlands uInspector Emanuel Mahoko obike ukuba badinga umuntu owatshontsha umntwana.
“Indaba yomama owathumba umntwana isezandleni zamapholisa. Sicela uzulu ongabe elemininingwane ephathelane lomuntu owathumba usane olulamalanga ayi-7 luzelwe abikele amapholisa aseduzane laye.
Omama nxa besiya esibhedlela behamba labantwana kabahambe lomuntu oyisihlobo ozabancedisa ukuthwala umntwana kumbe ukugcina kulokuthi bagcinise umuntu abangamaziyo,” kuphetha uInsp Mahoko.
shloboe boe
