mbulelo smpofu
Bhekimpilo Tshalibe
“ULUCY Chainz” uzahwatsha ingoma entsha elesihloko esithi crossing over Ep njalo izaphuma ekupheleni kukaNcwabakazi lonyaka.
Ekhuluma lentatheli uRose Ncube odume ngokuthi “Lucy Chainz” uthe waqalisa ezomculo ngo 2022.
“Okomculo ngaqalisa ngomyaka ka 2022 njalo ngangililunga le flossy gang eyayilamalunga angu-4 kule 3 abafana mina kuyimi ngedwa inkazana. Sasayinwa ngesinye istudiyo okuthiwa yi-Expo Studios njalo sakhipha ingoma elesihloko esithi Too Sauced.
Istudiyo leso savalwa ngenxa yokuswela imali sahle sehlukana leqembu leFlossy gang abanye baya kwamanye amazwe” kutsho uLucy.
Uthe wakhulela elokitshini leCowdrayPark.
“Ngakhulela eCowdray Park ngafunda e Cowdray Park Primary kusukela ku-Grade One ngaze ngayafika ku Seven, ngasengisiyafunda eThokozani Secondary eNkayi. Okwakhathesi ngihlala eMpopoma,” kutsho uLucy Chainz.
Uthe yena kapheleli ekuhlabeleni kuphela, uyabhala ingoma.
“Mina ngihlabela imihlobo yomculo etshiyeneyo egoqela amapiano, hip pop, RnB, Mb kanye le kwaito. Okunye njalo ngiyabhala ingoma njalo sengabhalela abaculi abambalwa ingoma zikamaskandi,” kutsho u Lucy Chainz.
Uthe lokhe waqalisa ukuhlabela usewacindezela ingoma ezimbili.
“Lokhe ngaqalisa ukuhlabela sengahlabela ingoma ezinengi kodwa sengacindezela ingoma ezimbili ezilezihloko ezithi Tell me engayihlabela lomhlabeleli okuthiwa ngu “Take 5 the hunter” eyaphuma ngo ngoMpandula 2023. Ngazokhipha eyinye elesihloko esithi pain in my eyes eyaphuma ngo Lwezi 2023,” kutsho uLucy chainz.
Uthe lonyaka usebenzela ukukhipha enye ingoma.
“Lonyaka ngisebenzela ukukhipha ingoma entsha elesihloko esithi Crossing over Ep njalo izaphuma ekupheleni kukaNcwabakazi lonyaka. Kwabazabe beyifuna, izabe itholakala ku youtube, movie box laku destroikid” kuphetha uLucy Chainz.
shloboe boe
